الاحتفال بالزواج في البيت من العادات  القديمة التي اندثرت تقريبا، لكننا  بدأنا باسترجاعها  خاصة بسبب الظروف الغير اعتيادية التي مررنا بها مؤخرا. و مع أن الوقت تبدل و الأوضاع أصبحت تختلف عن الماضي إلا  أن الكثير من الناس يفضلون تنظيم  حفلات الزفاف في المنزل بالرغم من صعوبة الأمر . و لهذا في عرسي خممنا فيكم و  قررنا جمع كل تفاصيل التحضيرات في هذا المقال  ليكون دليلكم الشامل لتنظيم  أجمل عرس في المنزل 

  قررت ندير عرسي في الدار : وشنو هي أول حاجة نبدا بها؟  

أول شيء يجب التفكير فيه هو تناسب مساحة منزلك مع عدد الضيوف     

       – منزل أرضي أو فيلا: في هذه  الحالة, الأمر يكون سهلا  بعض  الشيء، حيث يمكنك إستعمال سطح أو حديقة المنزل ، تخصيص الصالون و غرفة ثانوية لاستضافة الضيوف .

     –  شقة عمارة : في هذه الحالة من الواضح أنه لا يمكن تنظيم كل الحفل داخل الشقة ، إلا إذا كان عدد الضيوف  صغير بزاف و العرس (  أو عشاء العروسة ، الحنة ..) عبارة عن عشاء بسيط . و مع ذلك كاينين الحلول :   

– يمكن الاستعانة بالجيران ، فيكون عندكم شقتين و هذا كافي.

– إستعمال سطح العمارة إذا امكن .

– كراء خيمة  خاصة لاستضافة الرجال و وضعها في مكان واسع قريب من الدار , وهذا انسب حل لإقامة  حفلة الرجال  .                                                                                      

مراحل التحضيرات الأساسية : 

1- تحديد الخدمات لي تحتاجيهم :  

العرس في الدار ما يعنيش أنك لن تحتاجي  إلى محترفين في  خدمات الأعراس، و بالطبع هذا الأمر أصبح أسهل مع منصة عرسي وين تلقاي  كل أنواع الخدمات .  

– الديكور أو خدمة التزيين : ترك مهمة تزيين المنزل و مكان إقامة العرس لمحترفي الديكور راح يسهل عليك بزاف أمور بحكم أنهم يوفرولك  كل اللوازم ( من  طاولات، و كراسي ، و أضواء، و ورود,شموع  …) على حسب إحتياجاتك و إختياراتك بالطبع. 

 – اذا حبيتي يكون عرسك بطابع تقليدي، يمكنك اختيار الاحتفاظ  بفراش صالونك إذا كان تقليدي مع  إضافة مقاعد للجلوس, و إلا  فإن بالاستعانة بخدمة التزيين يمكنك إختيار أي نمط ديكور و هما يوفروا كل اللوازم.

– يمكنك إختيار وضع طاولات و تحويل صالونك إلى قاعة حفلات صغيرة، و هذا يسمح بربح مساحة  أكبر،خاصة أن فرق التزيين يحرصون على تنظيم المكان بطريقة إستراتيجية لتخصيص مساحة كافية للحركة و الرقص

– خدمة الطبخ:   اختيار الطباخ مهمة لازم تمديلها وقت و أهمية باش تكوني متهنية على نوعية و جودة الأكل ليوم عرسك .

– خادمين لتقديم الاكل للضيوف : في حالة ما إذا ما كانش في عيلتك شكون يقدم الأكل أو باش واحد ما يتعب يمكنك توظيف خادمين مخصصين.  

– الموسيقى: الكل يحب الرقص على موسيقى الأعراس و خاصة إذا كان الموسيقي أو دي جي جيد  

– ماشطة : الخيار يولي ليك بالطبع، فيمكنك  تفضيل  ماشطة  مختصة تتهلى فيك  كما  يمكنك تفادي التكاليف الزائدة و الاستعانة بقريباتك و صديقاتك . 

بعد تحديد كل الخدمات  يمكنك الإستعانة بمنصة عرسي للبحث عن مقدمي الخدمات  لإختيار من يناسبك من ناحية السعر و الخدمة .

 2- كتابة قائمة الضيوف والإتصال بهم:

  يجب الإنتباه قبل كل شيئ  إلى عدد الضيوف لي راكي حابة تعرضي،  ما تنسايش بلي المساحة محدودة و لازم الضيوف يكونوا مرتاحين . 

3- كتابة قائمة لكل اللوازم المنزلية  الضرورية   :          

 شوفي واش يخصك و قسمي القائمة بين لحوايج  لي لازم تشريهم  و لي قادرة تسلفيهم أو تكريهم, حيث أن كاين بعض الطباخين و المزينين لي يكرو كل ما تحتاجين إليه  : 

– الأواني اللازمة للغداء / العشاء والقهوة 

– زرابي ، فراش، ستائر،… 

– أدوات التنظيف ( صابون للحمام، المطبخ،..إلخ ) , مناشف                                           

– مكواة لكي حوايج العروسة… 

4- تنظيم يوم العرس:

  لتفادي التوتر الزائد وحدوث الأمور الغير متوقعة، يجب التفكير في كل تفاصيل هذاك اليوم من قبل : 

– تحديد  المهام و الأشخاص المخصصين لكل مهمة و كل واحد يكون علبالو واش لازم يدير,من المهام اللازمة ليوم العرس:

  استقبال الضيوف ، استقبال  مقدمي الخدمات و الإتصال بهم ، شراء مستلزمات الأكل و الذهاب لاستلام الطلبات     السابقة (حلوى، خبز،…) ، توصيل العروسة إلى صالون التجميل، تنظيم ملابس العروسة و مجوهراتها   …الخ .

– تقسيم البيت و وضع  خطة بحيث استضافة الناس تكون منظمة و سهلة و كل حاجة في الغرفة المخصصة لها. 

– التفكير في مكان لركن سيارات الضيوف : من أولويات يوم العرس هو توفير الراحة و كل المستلزمات لي يحتاجها  الضيوف .

– التفكير في أقربائك لبعاد  لي قادرين يباتو: تخصيص مكان لهم .

و بما أننا نحتاج إلى كثيرمن النصائح والمساعدة لتحظير العرس يمكنك اللجوء إلى  فريق مختص في تنظيم الأعراس,حيث يتكفل بكل تفاصيل التحضيرات  و تنسيقات يوم العرس كذلك , و بهذا تستطعين أنت وعائلتك الإستمتاع بالحفلة دون تعب . و في هذه الحالة ما تنسايش بأن فريق عرسي في الخدمة .

 الفرق بين تنظيم عرس في البيت و عرس في قاعة الحفلات ؟ 

العرس في الدار يتطلب أخذ بعض الإجراءات  بعين الإعتبار, من أهمها :

– الاستئذان من الجيران و الحرص على عدم  ازعاجهم : ما تكونش سهرة العرس طويلة، أو من الأحسن  تكون في المساء 

– توفير ثلاجات إضافية للحفاظ على المواد اللازمة لتحضير الأكل  

 – توفير الأواني اللازمة لتحضير الأكل إذا كان الطباخ راح يطيب  في الدار 

إيجابيات الأعراس في الدار 

– إقتصاد تكاليف قاعة الحفلات

– تجنب اتباع  تقييدات قاعات  الحفلات فيما يخص مقدمي الخدمات ,فتكون لديك حرية اختيار الطباخين و الموسيقيين

– إحياء بنة زمان في لمة العائلة للمساعدة في التحضيرات و خلق أجواء مرحة و بهيجة أيام قبل العرس ,حيث أن هاته  اللحظات الثمينة تقوي العلاقات العائلية و  تصبح ذكريات وقصص رائعة .

– إمكانية تقليص عدد الضيوف : قد يكون هذا  شيئا إيجابيا  بحيث تحتفلين بزواجك و حولك فقط أهم و أقرب الأشخاص إليك .

– الحفاظ على تقاليدنا و تطبيقها على طريقة أجدادنا : كيما حنة العروسة، أو  تعليقة الجهاز مثلا .

– تفادي التنقل إلى قاعة الحفلات و نقل التصديرة  و كل المستلزمات الأخرى.

كريمة عروسة احتفلت بعرسها في دار جدها  

 وشنو هي أكثر حاجة عجباتك في عرسك ؟ 

 هي أني إحتفلت بأجمل يوم في حياتي في بيت جدي لي عندي فيه ذكريات بزاف عزاز عليا، هذا البيت شهد على كل أفراحي و أحزاني و منهم موت جدتي الله يرحمها، أنا متأكدة أنه كانت رايحة تفرح بزاف بعرسي في هذه الدار. 

واش كان أصعب شيء في العرس؟ 

 أصعب حاجة كانت تقديم الأكل في الوقت لكل الناس، ماما و كامل عيلتي تعبوا بزاف لكن الحمد لله جاز كل شيء  هايل

و نتوما قولولنا إذا قررتوا   ديروا  عرسكم في الدار أو لا ؟؟ 

قطيع الشرط هي واحدة من مراحل الزواج في الجزائر وهي إحدى أهم العادات المتداولة بين العائلات في كل أنحاء الوطن.  

ما هو تعريف عادة قطيع الشرط ؟ واش تلبس العروسة الجزائرية في هذا اليوم ؟ شكون تعرضي ؟ وغيرها من الأسئلة التي سوف نجيب عليها في هذا المقال.   

قطيع الشرط في الجزائر : كل ما لازم تعرفيه حول هذه العادة

بين يوم الشوفة و الزواج كاين مراحل كثيرة يمر عليها العروسين ومن بينها و أهمها كاين مرحلة قطيع الشرط لي راح نتكلموا عليها اليوم. 

تعرفوا أكثر على عادات الأعراس الجزائرية : تعليقة جهاز لعروسة، عادة من عادات زمان

تعريف عادة قطيع الشرط

يمكننا تعريف هذه عادة بطريقتين مختلفتين حتى أنهما تتفقان على نفس الأساس : 

حسب العائلات و العادات المتداول عليها في أنحاء الوطن، قطيع الشرط هو اليوم الذي يتفاهموا فيه العائلتين على  الصداق لي يجيبوه في الفيونساي. 

كما يمكن أن يكون اليوم لي يجي فيه العريس و عائلته و يجيبو صداق العروسة و الذهب.

في هذه الحالة يتفق الجميع على تفاصيل الشرط في الخطبة، نهار يجيو بالحسب و النسب يخطبو بنتكم لامية لوليدهم أنيس. 

تعرفي أكثر على الصداق في الجزائر: كم قيمته وكيفية إنفاقه

هل قطيع الشرط و الفيونساي نفس الشيء؟

قطيع الشرط و الفيونساي مرحلتين مختلفتين.

الأولى يجيبو فيها الشرط و الثانية يلبسوا فيه الخاتم و تولي العلاقة لي تربط لامية و أنيس رسمية قدام ربي و عباده. 

هذا لا يمنع العائلات الجزائرية من إدماج المرحلتين والقيام بالواجب في يوم واحد فقط.

الهدف من هذا هو ربح الوقت و ينقصوا من الذهاب و الإياب عند عائلة الزوجة المستقبلية.

نصيحة عرسي.كوم للعرسان لي ما عندهمش الوقت أو لي يسكنو في ولاياتين مختلفتين و يكونوا بعاد على بعضهم. وهكذا ينقصوا من تعب ومشقة الطريق. 

وقتاش تجي مرحلة قطيع الشرط؟

لو نتبعوا مراحل الزواج في الجزائر حسب العادات والتقاليد، هكذا تكون الأمور : 

• الشوفة 
• الخطبة 
• قطيع الشرط  
• الفيونساي و الفاتحة 
• العقد 
• العرس

ومنه، هذه المرحلة تحتل المرتبة الثالثة وتجي بين الخطبة و الفيونساي مع الفاتحة. علما أن هذا الترتيب يختلف حسب العائلات، الظروف و تفضيلات العروسين.  

من المؤكد أنكم تتسائلون عن الفرق بين الخطبة و الفيونساس. مع أنه ليس موضوعنا اليوم راح نشرح هذه النقطة خاصة وأن قطيع الشرط يجي بين هاتين المرحلتين. 

الخطبة هي المرحلة وين يجي العريس وعائلته أو يبعت أفراد من عائلته لطلب يد البنت لي حبها ورضاو عليها عائلته نهار الشوفة

أما الفيونساي هي مرحلة متقدمة وين الخطيب والخطيبة يلبسوا الخواتم و يحتفلوا مع العائلة و الأقارب بـ لابياس مونتي و العروسة تستلم الصداق و الشرط المتفق عليه. 

زيادة على ذلك تقوم الكثير من العائلات الجزائرية بقراءة الفاتحة نهار الفيونساي.  

كيفاش تستقبلي عائلة خطيبك في هذا اليوم؟

كيفاش تستقبلي عائلة زوجك المستقبلي يا لالة ؟ تستنايهم قدام الباب ؟ أنتي لي تفتحيلهم أو لا ؟ تخرجيلهم غير كي يلحقوا لداركم ؟ أو تصبري حتى يشربو القهوة ؟ 

أولا وقبل كل شيء ماشي العروسة لي تستقبل عائلة زوجها المستقبلي. هذا ماشي دورك أنتي ومنه تقدري تكلفي أختك، خالتك أو حبيبتك بهذه المهمة. 

وقتاش تخرجيلهم ؟ ماكاش وقت محدد باش تخرج العروسة تشوف عائلة العريس و غالبا ما تجري الأمور كيما نهار الخطبة. 

في أغلب الأحيان تخرج البنت في وقت القهوة و تجيب في يدها صحن حلويات باش ما تدخلش عليهم و يديها فارغين أي غير بلاطاي.

لكن في بعض الأحيان و حسب العائلات، يبعتو أخت العروسة، خالتها أو إحدى قريباتها باش يجيبوها. 

واش تلبسي يوم قطيع الشرط؟

قبل ما تختاري واش تلبسي لازم تخلي في بالك أنك خلاص عجبتي عائلة الزوج ووافقوا عليك يعني ماكلاه تتقلقي و تزيدي عليها في اللباس والماكياج باش تعجبيهم . 

راكي عجبتيهم و كملتي نهار الشوفة و زدتي نهار الخطبة. هذا لا يمنعك طبعا أن تتزيني. 

ينصح فريق خبراء التجميل لدى عرسي.كوم أن تعتمدي البساطة والأناقة في الماكياج، تصفيف الشعر و اللباس وهذا في  مختلف مراحل الزواج المذكورة سابقا. 

واش تلبسي في هذا اليوم ؟ يعتمد هذا على واش راكي ناوية ديري : قطيع الشرط برك أوتزيدي معاه فيونساي ؟

إذا راكي معولة ديري قطيع الشرط وحده تقدري تلبسي قفطان شيك وبسيط، جبة أو منصورية بلون فاتح باش تباني عروسة أو اونسومبل أبيض أو بيج. 

إكتشفي بعض فساتين خطوبة محتشمة للمحجبات

إذا ديرو لي فيونساي في نفس اليوم تقدري تلبسي فستان من نوع غوب برانساس بلون فاتح أو لباس تقليدي كالبدلة القبائلية أو الشاوية على سبيل المثال. 

شكون تعرضي في قطيع الشرط؟

للإجابة على هذا السؤال لازم تعرفي إذا راكي رايحة ديري قطيع الشرط وحده أو تزيدي فيونساي و الفاتحة. 

كما يعتمد هذا على رغبتك في أن ديري حفل صغير يضم المقربين أو وليمة كبيرة تعرضي فيها العائلة و الأحباب. 

مهما كان خيارك كاين قائمة تاع أفراد العائلة لي لازم تعرضيهم لقطيع الشرط و هم كالآتي : 

المدعويين من عائلة الزوجة 

• الأب والأم، الإخوة والأخوات مفروغ منهم.  
• كبارات العائلة كالجدة، الخالة و العمة أو زوجة الخال أو العم. 
• إذا عندك قريبة أو صديقة مقربة ليك حبيتي تشاركيها الفرحة. 
• إبن الخال أو العم في حالة ما كنتم غير بنات فالدار و ماعندكش خوك. 
• الجد، الخال و العم أو كبار العائلة من الرجال باش يوقفوا مع الأب. 

المدعويين من عائلة الزوج 

لا يعود للعروسة أو عائلتها القرار فيما يخص المدعويين من عائلة الزوج. لكن وبصفة عامة الزوج يجي مع أهله و كبار العائلة من النساء والرجال. 

هل حضور الرجال لازم يوم قطيع الشرط؟

هل لازم دعوة الرجال أم لا ؟ السؤال هذا يعود بقوة لذا قررنا الإجابة عليه في هذا المقال. 

نعم، نعم ونعم يجب دعوتهم. بل حضورهم أهم من حضور النساء في هذا اليوم لأن قطيع الشرط يتم بين رجال العائلة.

بحضورهم يزيد الأمر مصداقية لأن الشرط المتفق عليه يعلنه أب البنت للزوج المستقبلي و أهله. 

كانت هذه أجوبتنا على الأسئلة المطروحة من طرف أغلب البنات الجزائريات المقبلات على الزواج .

قولولنا ماهي عاداتكم في قطيع الشرط؟